棄美投中
2015/04/23 08:47:27
網誌分類: 經濟
大陸股市創近年新高逼近4400點，美股亦造好。美企公佈的財報普遍不錯，而二手房銷售增長好過預期，美股造好。杜指升87點，重上18000點上方，收報18038點；標普500指數亦上番2100點關口，收報2108點，漲11點；
納指則連漲三日，升21點至5035點。
昨日多家美企公佈業績，好壞不一，不過，好過預期?比差過預期?多啲。其中科技巨頭易安信比較差，營收同盈利都差過預期，而波音飛機盈利增長高過預期，但營收就差過預期；而可樂、雅培製藥及紐約梅隆銀行，營收及盈利均好過預期。
市場較為關心?Facebook於收市後公佈業績，盈利每股42美仙，好過預期的40美仙，但營收35.4億美元則略升低過市場預期?35,6億美元。比較令投資者振奮?係3月份Facebook每日用戶（DAUs）增加至9.36億人，較去年同期增長17%，亦高過市場預期的9.2億人！市場對Facebook有好預期，昨日股價升1.2%至84.63美元，但業績公佈後，股價在延長時段內回落2%至82.98元。
至目前為止，美企的季度財報，唔係好標青，但又未至於太壞，從美股近排呈現一個橫行格局，唔上唔落，可見一斑。睇股市恐懼指標VIX指數不升反跌，昨日再跌4%至12.7一個比較低的水平，投資者驚都未驚過。
不過，有重磅人馬對美股後市睇法唔係咁樂觀。有「新興市場教父」之稱?麥樸思 (Mark Mobius) 就猛叫投資者沽美股買A股。佢昨日接受CNBC電視訪問時就話，美國企業收益下降，必會令美股表現令人失望。佢解釋美國企業盈利點解唔得，共和黨唔Like
華爾街，眾所周知，特別係共和黨本來就憎恨銀行，指銀行俾唔到企業真正需要的支援。因此，公司只能囤積現金，回購股票。這對收益沒有好處，所以科技行業除外的美國企業無法擴張。
另外，麥樸思話美股已經進入牛市6年，估值已經好高，搵到沽空的股票容易，要搵到可以買入的股票已經好難。另一方面，A股近排非常搶眼，剛剛才踏入牛市，「A股中仍有很多估價十分具吸引力的個股」。佢又指出，市場預期美聯儲加息在即，而中國央行接下來卻會繼續降息降准，所以，投資者應該「撤離美股、下注中國」。
麥樸思指出，亞洲新興市場股指今年總體上漲迅猛，其中以中國排「第一」。今年上證綜指已上漲超過30%，亦拉動股港大漲了20%。麥樸思認為中國第一的原因係「港股通」俾咗外資投資中國A股的管道。
佢補充，日前阿爺重申打壓孖展借貸，重申禁止傘形信託，目的係唔想投資者將股市當係睹場，所以要對股市稍作控制，但阿爺唔想俾牛市終結。佢認為牛市近期不會終結，任何調整都應被看作是買入良機，又話預期大市會調整20%左右。
但百仕通集團(Blackstone) 聯合創始人兼首席執行官蘇世民(Steve Schwarzman)又唔係咁睇喎，佢在美國中國總商會週二於紐約舉辦的金融與房地産論壇上表示，上證綜指週二上漲1.8%，觸及七年高位，「中國股市的確是太火爆了。」佢解釋點解內地全民皆股，一方面係人民幣不可自由兌換，另一方面係銀行存款及短期房地産投資都無法帶給投資者滿意的回報。所以投資者將資金全放入股市，唔單止個人積蓄，仲借錢炒股，加劇了上漲的形勢。佢認為阿爺?防止股市過熱措施會陸續出台，意思係調整在所難免。
百仕通集團此前投資中國房地産和消費類産品企業。現時認為科技帶動的行業有投資機會，「在中國，任何「觸網」的東西都存在大量需求」，並且睇好受益於中國中産階層崛起的購物中心等領域。
陸羽仁
回應(3) 我想回應
陸羽仁 BLOG 舊文
