女神tea time：博幸福要行多步
■港股呢期好旺毫子股。 資料圖片
個市大上大落，前一日先呻冇走貨，第二日就呻冇買貨，無限輪迴，心理質素差啲都頂唔順。上周三先同唐牛講開隻建福（464）市值細，公司虧轉盈博派息，加埋圖靚可一博。點知大家冇咗回事，到噚日先呻走寶。
毫
子股呢期好旺，心水推介幸福控股（260）。佢又係一隻毫子股，食正近來毫子股熱。雲雲毫子股中，佢過人之處係佢有國企＋超人光環照住。幸福係中航工業（232）旗下公司，而同系中航國際（161）獲李嘉誠增持，一句講曬，子憑母貴。
幸福原名中國環投，公司去年底改一個完全睇唔出做咩業務嘅名，原因好明顯，因為佢嘅定位就係雜！公司主業係燃氣加氣站，同時涉足LED。近年一方面沽走部份燃氣業務，一方面買地產、公路項目。就好似你搬屋前，你都會將啲雜物重新分類同擺位，中航工業而家就似執屋，個勢似未來將啲非軍工類投資放曬入幸福。另外，幸福與母公司聯手控制天下圖（402），後者涉地理信息數據，對母公司來講係非常重要資產。
中航工業目前仲涉獵貿易物流、汽車、電子產品等十幾個範疇，呢堆嘢閒閒哋都100億，就算唔係注曬去幸福，幸福點計都冇理由好似而家咁，市值得17.8億貨仔。幸福現接近上年10月高位0.425元，博佢破位都抵呀，幸福真係要行多步。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
