魚樂無窮：沽貨如何不失霸氣
■今年股災特別多，A股free fall式插水8%。 美聯社
今年股災特別多，A股free fall式插水8%，為金融海嘯以來最傷，逾千股份跌停，股指期貨插一成兼齊齊大低水。港股雖只跌3%，但跌勢非常全面，逾1,700股份下跌，僅60隻股份上升，下跌比例高
達97%，恒指及H指成份股更全部見紅，幾乎有買股票嘅都要輸錢。
市況如此慘烈，同時成手高追貨，應該如何是好？還記得年初叫大家每日記錄低倉位水平嗎？午市越跌越急時，唐牛即時update倉位，發現總數接近一早定下嘅止賺水平。
之後點？瘋狂減磅囉！短炒嘅合埋眼全部不問題清倉，長揸嘅分開兩種︰績優股減一半、防守股繼續持有，現金水平重回八成以上。
老老實實，唔少貨係蝕住沽的。「心痛嗎？」炒股最重要係紀律，既然行之有效嘅炒股模式發出沽貨訊貨，按「賣出」時非但冇懸念，反而霸氣十足。十分同意林一鳴所講，噚日跌市最可怕嘅係無原因的。
不是嗎？內地媒體綜合幾個死因，包括美國加息、PMI續弱、豬肉升價減低放水機會、新加坡A50期貨快結算等，無一不是一早存在，明顯是為解釋而解釋，相信朝早大家望住報價機時，總冇諗過下晝會屍橫遍野吧。引用戰友常說嘅一句話作結︰有懷疑，持現金！
唐牛
https://www.facebook.com/tongcow88
唐牛
魚樂無窮 - 唐牛 舊文
