異動空間：
股災低位能守嗎
暴力救市頂了三周，結果還是敵不過地深吸力，滬股暴瀉8.5%，創八年最大跌幅，可說潰不成軍。阿爺一般食飽飯、午睡完兩點鐘開工，mark價一粒鐘，但結果鬼影都冇隻，這意味投降棄守？抑或只是空城計，誘敵深入再一舉將其挾爆殲滅？目前魏力有三個疑問：一、救市券商是否
不甘蝕入肉，唯有冒死違規掟貨，結果推冧個市？二、上次跌穿4000已鬼殺咁嘈要救市，今次隊得咁急，也不見官方在微博講兩句，是否容忍度高咗，可以等穿上次底再出手？三、如果要救，仲有乜招數？難道是傳說中的10萬億QE？
去番港股，好多人問會唔會穿上次低位22836？其實目前講乜都係斷估，先清貨再睇就無痛苦。真係穿咗你會慶幸自己沽早千幾點；唔穿反彈呢？買番咪得囉，可能買貴一點，但避咗大插風險卻是除笨有精。另外，相比中資股及港A股，細價股跌幅不算顯著，但暫時亦宜忍手，因上個跌浪告訴我們，有入冇出是很痛苦的，趁逃生門未關上，走為上策。最後一提，已跌穿上次股災低位的恒指及國指成份股有5隻，包括三桶油、東風（489）及聯想（992）。
魏力
http://www.facebook.com/2012jason
魏力
異動空間 - 魏力 舊文
