女神tea time：外資會想唱的歌
■A股經過股災後，已擺明人治畀你睇。 路透社
睇見袁國勇灰機退出港大「校委會」，仲話寧願返去實驗室。粗俗啲講，對住偽裝法治嘅人治制度，真正係「其實毒L一個更開心」。
A股經過股災後，已擺明人治畀你睇。截至周六，內地有34個賬戶被限制
交易，佢哋衰啲乜呢，官方話，一係「頻繁申報、頻繁撤單，且金額較大，以致影響市場正常交易秩序的行為。」；二係「涉嫌日內短線操縱行為。尤其是在盤中或臨近收市時，部份賬戶通過拉抬、打壓股價等手法，影響個股交易量及價格，誘導投資者買賣，以趁機高價賣出或低價買入股票。」簡單來講，就係搭棚同尾市mark價。
搭棚同尾市mark價普通至極！好多基金都用程式盤，好多時出現呢兩個操作，都係程底自己run。恒大（3333）日日幾億幾億盤搭咗喺度啦，根本乜都係阿爺講曬。
值得留意係，今次被ban賬戶入面，包括美國老牌對沖基金Citadel旗下公司，伯南克亦是該基金的高級顧問。人哋玩咗咁近三十年對沖基金，相信佢哋都係第一次聽「惡意沽空」呢個概念。中國成日話要將人幣國際化，但你玩人治嘅，相信外資會想講「其實撤出中國更開心」。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
