股場放大鏡：金山軟件短炒佳選
今年6月的A股股災，越來越似是有人部署為製造跌市，由近期中信証券（6030）多名高層被調查及離職，到證監會兩名高層張育軍與姚剛被中紀委調查落馬，可想而知，事情並不簡單，肯定有更重磅人物涉事。
A股近期升唔起又跌唔落，要搵股炒更加困難，不過向上炒唔掂
，向下炒亦有方法搵食。例如水泥股中的中國建材（3323）、基建股中國中鐵（390）及中交建（1800）以至三桶油中石油（857）、中石化（386）股價都唔太理會大市升跌，幾乎市升市跌，佢股價都在下跌。
由於以上股份都有期權可供買賣，且成交亦算不太疏落，差價合理，正好可以提供買put造淡機會。參考有關股份期權價格，如貼近市價行使價的put一般溢價有正股的2%至3%水平，以月中水平而言算是偏貴，建議造淡可以買近價put之外再沽價外put，減低入市成本之外同樣可以賺取不俗回報，股價若跌得慢就更加合乎策略。
環顧市場上大部份中資股，的確難尋造好買貨目標，若勉強追貨，仍然以科技股為優先對象，金山軟件（3888）日前獲大行發表報告，稱第三季業績唔錯，可以優先加入買貨目標。
花旗報告指，金山第三季收入15.07億元人民幣，按季及按年分別升18%及77%，優於市場及該行預期，維持目標價22.4元及買入評級。純睇圖表，金山似上衝格局，短炒佳選。
歐陽風
本欄逢周一、四刊出
歐陽風
股場放大鏡 - 歐陽風 舊文
