財經評論：上車客有運行
■沙田第一城三房戶低見460多萬元，每月供樓輕鬆得多。 資料圖片
政府為壓抑樓市，除了實施三辣招外，還要求銀行收緊按揭貸款，令市民難以置業。近年好多想置業人士本身並不是沒有首期，就算自己無，老豆老母都有，只是銀行阻頭阻勢，審批嚴緊，人工過不到壓力測試。最慘就是自己睇住樓
價不斷升，儲首期都儲不切。
樓價已見頂回落，且有越跌越深之勢，一個普通400呎上車單位，樓價已比去年高峯期回落兩成，好多屋苑樓價已跌返去2013年尾、2014年頭水平，平了百萬元。樓價跌，人工卻不變，變相令到一批原來未能通過銀行貸款要求的置業人士，趁大跌市上車做業主。
簡單舉例，沙田第一城三房單位去年樓市最瘋狂時升至600萬元。金管局規定，樓價600萬元以下住宅物業，只能承造最多八成按揭。即是說，如果在去年購買第一城三房戶，首期要畀120萬元，再配合「加3厘」供款壓力測試，攤到最長25年還款，月供2.8萬元，即是月入必須最少5.6萬元。
跌兩成夠曬數
但近期屋苑樓價已急速回落，同類單位造價已跌穿500萬元，低見460多萬元。假設同一買家人工不變，同一個單位，首期一來畀少26萬元，每月供樓輕鬆得多，降至2.2萬元，月入只需4.4萬元，大幅降低兩成。
事實上，近期樓價突然急降，公屋都跌價百萬元，最重要是樓價跌、樓按門檻變相降低，即有一班人衝出來買。市場始終有一批客有買樓需要，理性一點，不買，租都要錢，只是等運到。一年前有首期但過不到壓力測試的買家，現在「運到」，更覺得樓價大跌機會難逢，認為𠵱家唔買等幾時。近期地產商賣樓都是「獨孤一味」，就是高成數按揭。
不用政府減辣，樓價已跌。不少在多年前睇錯市的市民，怕再錯過今次難得跌市，趁機撈底，令近期二手樓成交量稍為回升。有報告指樓價會跌3年，樓市專家估樓價跌幾多，都是靠估。計我話，近排二手樓好多劈價兩成已大把人爭，唔使再劈多。因此，初步睇，樓價跌兩成已見支持。
記者：朱連峰
財經評論 舊文
來源 source: http://hk.apple.nextmedia.com
