投資先機：簡單化投資的原則
■人性是貪婪，大部份人都想追求短期回報。 資料圖片
回想窮小子最初接觸投資時，發覺投資界十足十武俠小說入面咁。投資界就主要分三大門派：價值投資派、圖表派及技術性分析派，聽個名好似好把炮。而投資工具就五花百門，如股票、期權、牛熊證、債券及期貨等等，但接觸投資
耐咗之後，發覺世界複雜，所以投資理念及工具其實越簡單越好。港股大時代一役後，見到幾位同事心急想追番曬之前嘅投資損失，由投資股票到投機衍生工具，食飯時間佢哋都會出現類似對話：
同事A：喂喂，今日又賺幾多格？
同事B：今日早市入咗牛，見唔對路，輸兩格走咗，之後睇住個1分鐘恒指走勢圖，估計後市都係跌多啦，所以反手買番熊……
同事A：午市收市前，恒指跌多咗喎，咁咪賺好多啦？
同事C：我都0.3元幾入咗隻熊，幾驚隻熊入刑場，啱啱睇隻熊Bear Bear升到0.6元，差唔多1倍升幅啦！
同事A：今餐你哋請啦，哈哈哈哈！
筆者仍堅守不接觸衍生工具及簡單化投資的原則。因衍生工具贏輸極需要運氣，如同賭場賭大細，無論係1分鐘定1年的恒指走勢圖，兩者根本沒有預測下一秒恒指升跌的能力。人性是貪婪，大部份人想追求短期回報，衍生工具是由市場貪婪衍生出來，筆者認為短期回報是不能持續性得到，要得到持續性回報率，要投資一些會和股東分享盈利成果的增長型公司。
窮小子
https://www.facebook.com/poorguyfans.hk
本欄逢周三刊出
窮小子
投資先機 - 窮小子 舊文
來源 source: http://hk.apple.nextmedia.com
