對沖國度 - 黃國英 2017年2月13日
無論巿場評論、牛熊證街貨量變化以至周邊朋友行為，都顯示出市場氣氛忽然高速傾斜向好友一方。除了極少數永遠包拗頸之外，股評人已經一致睇好；以往熊證買家在升市中前仆後繼，今次竟然見牛證急升，棄暗投明的果斷極為罕見；而周邊朋友不斷追問的唯一問題，就是甚麼落後板塊會是下一個接力爆上，代表無貨又要貪。
在一片昇平之中，是不會無緣無故忽然大跌，既然好多人唔夠貨又貪心想買，應該不會咁著數提供低位吸納的機會，所以自己會博忽然出現一段消耗性急升的走勢，可能一口氣直接逼近24,000點。淡友拒絕落疊，就不用再拉拉扯扯浪費時間，倒不如掉頭引人去高追。策略上是買定離手坐定定，等到理想高位才一次過落車。
市場耐性有限
不過，自己會引入時間限制，假如這兩、三日內市況發展不似預期，就算只是橫行，也會在周三大舉撤退。
今次好友猛烈攻勢由上周一內險股開始啟動，期間養老金入市以及債市互聯互通的所謂好消息，力度實質上有限，大家都顧忌好友還有底牌未揭。惟以今時今日的耐性程度，十幾日都無新發展的話，相信便會回吐。攻勢永遠要睇天時地利，機會出現的時間通常很短，大家都無謂拖泥帶水。
豐盛金融資產管理董事 黃國英（作者為註冊持牌人士）
Money18更多即時港股指數資訊
上一則
下一則
對沖國度 - 黃國英 舊文
