財路：國際資源流曬口水
■國際資源主席係趙渡（右），副主席係柯清輝。 資料圖片
國際資源（1051）全日成交過1億股，兼係繼上年12月9號之後，近一季最大成交日，集團嚟緊周五派上年成績單，鑊氣十足，博盈喜，快兜！
國際資源周五派上年全年成績單，雖則無發盈喜，但喺上年上半年集團出售礦產獲益8
.6億元（港元．下同）入，半年賺9.8億，呢期全年業績照計easy過關。
國際資源主席係趙渡，副主席前大班係柯清輝，由趙生同柯生掌舵嘅上市公司，仲包括中策（235）、思捷（330）同網智金控（985）。三隻股PB分別係0.84倍、1.1倍同0.26倍，國際資源家陣PB0.38倍，係繼網智後最平一隻。咪忘記網智半年繼續出血，keep住低PB唔奇，但國際資源半年虧轉盈，全年兼有盈喜機會，PB似乎低咗少少。雖然唔同瓣數公司比PB係冇得比，但國際資源家陣其中一項主打係證券，集團同場內券商股比，PB亦係最平選擇之一。
國際資源到上年6月尾，揸嘅淨現金講緊65億元，細心啲睇，除咗投資物業7.4億元實繃繃磚頭，其他可供出售投資、持作買賣投資同應收貸款等32億元，現金連高流動性資產總值高達97億元，係家陣近40億元市值嘅2.4倍！
講係咁講，買入國際資源一半權益，花費廿億元，已經可以控制近百億元現金連高流動性資產，街外投資者有冇流曬口水？國際資源超級現金牛，嚟緊派全年成績單，兼因出售礦產大賺，又有冇機會派送甜品？兜國際資源，當翻一番到0.29元咁計，PB0.74倍先上到近磅券商行家平均值，但仲未上到集團本身每股淨現金同高流動資產值0.36元水位！
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.apple.nextmedia.com
