金手指：下屆第一死火局長
■下屆勞福局局長大熱羅致光，提出徵資產增值稅來解決貧富懸殊問題。 資料圖片
上周，本報港聞版大造「堅尼系數」嘅新聞，呢個系數係量度見到光嘅收入差距。根據此數，香港收入差距達45年高位。呢個系數係左膠同「專家」嘅至愛，所以會用來制定政策。下屆勞福局局長大熱羅致
光都用佢做指南針。
你話：「香港貧富懸殊利害咩？唔使做嘢咩？」好懸殊，同要做嘢。問題係，講「貧富」係乜先？兩人，一老一孫柏文年紀（即三十尾）。一個退休，一個搏殺中。
後生嘅，雖兩袖清風，不過月入數萬。而老人除自住千萬物業外，亦因唔再揸車，將車位放祖，連埋銀行數百萬定期收嘅利息，每月袋一萬。「堅尼系數」下，貧富好懸殊，老人赤貧。
所以，福利「專家」就話，要搞個「銀債」畀老人，一但政府跑唔到回報，或輸本，要後生交稅填氹畀個老人。你覺得，好想買樓，玩車都要向老人家租車位，最後要幫填氹嘅後生仔，有冇覺得老人被幫後，貧富懸殊解決咗？香港貧富懸殊民怨，係收入差距，定係資產差距？
好啦，前勞福局局長張建宗呢啲英治官僚，係都要保留資產審查。喺有深遠「學術研究」，堅尼系數要落先成功嘅福利「專家」羅致光眼中，一定好鄙視。所以派福利冇資產審查，喺羅局長下應會成功落實。到時個後生，又覺政府英明！
最後，羅致光都知資產好懸殊，所以話：「社會（即佢自己好想啦，社咩會呀）應該研收資產增值稅。」我只想問，因車位不足，當個後生用一百萬買老人家當年用十萬買番來嘅車位，政府之後抽個老人稅話解決緊貧富懸殊啦！你覺得個後生會覺得政府有幾英明？希望羅致光落實到派錢政策，因會又一特首做唔到十年。
孫柏文
獨立股評人
http://www.fb.com/shuen
本欄逢周二刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
孫柏文
金手指 - 孫柏文 舊文
來源 source: http://hk.apple.nextmedia.com
