財經評論：做業主定創業好？
■那一夜，我在巴士上層硬食了一個被迫做業主嘅故事。 資料圖片
每天穿梭港鐵與九巴之間，總有幾次遇到前或後、左或右乘客全程傾電話，道盡家事公事男女事，但一切關人屁事。
從來以為晚上11點後的277X，上層最前座是寧靜的安全島，至少前面無座，命中率減半，卻偏偏在那一夜，
駛到觀塘apm商場站頭後，後座來了一個中音男，甫坐下便在電話說：「我做咗業主！」
五字真言觸動葡萄值指數急升。我明，炫耀是雄性生物的原始激素，就像自己當年上了一星期法文堂後，巴士傾電話都要扮曬嘢刻意插兩句ça va trés bien!
研究多年的「與世隔絕耳膠笠」未生產成型，只能硬食他的故事，撮要如下：
「首期2成，阿爸話一齊供，但每個月供成萬幾蚊，一人供啲，但我供成萬蚊……成萬蚊，唔係一千幾百，搵得兩萬零蚊，拎半份糧出來……阿爸過多幾年無嘢做，遲啲我要一個人供曬，唉。其實唔想供樓，明明一家人住埋一齊，做乜供多層樓，想儲幾年錢，開舖自己做生意，唔想一世幫人打工！」
穿過大老山隧道，擋風玻璃倒照，中音男似乎3字頭都未到。唔買樓，拎份首期做生意，見過不少例子，失敗比成功多，見過拎50萬創業，短短半年燒乾摺埋，連包都無得打的結果。但你問這班失敗者，他們心態是博過輸了，總好過連博都無博過。
站在中音男的角度，做業主並不是一件值得炫耀的事，而是一種負擔。世上不只一個被焗上車的中音男，在多次新盤銷售中訪問買家，不知多少父母都回答「我畀首期，阿仔供！」你情我願當然拍手掌，有同事感恩十多年前阿媽畀首期，逼佢去供樓，今日接近供甩層樓，一家齊整笑曬口。
樓可以是安樂窩，也可以是綁住夢想的枷鎖。唔創業唔使死，唔買樓亦唔代表要瞓街。假若生子真如孫仲謀，夢想大到改變世界，強逼阿仔供樓的你，就是親手扼殺「香港馬雲」的凶手。
當天沒勇氣回頭搭訕，惟有藉此機會跟5月17日晚上11時許乘坐277X返粉嶺的你說：「去做你認為對的事!」
記者：陳家雄
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
財經評論 舊文
來源 source: http://hk.apple.nextmedia.com
