智取大市：瑞聲眼中的將來
■瑞聲未來會積極發展光學零件業務。圖為董事總經理莫祖權。 資料圖片
最近同瑞聲（2018）管理層見面，佢哋講到未來發展重點係光學零件，根據瑞聲上半年業績，光學零件業務基數近乎零，但長遠希望光學零件收入比例起碼達到三成、甚至逾五成。換言之，瑞聲將會同舜宇（2382
）、大立光喺同一戰場，正面交鋒。
其實瑞聲早喺2010年已經投資丹麥光學企業，發展多年，瑞聲似乎認為過去嘅手機鏡頭不算甚麼，未來先係手機光學真正爆發嘅時代。佢哋解釋，一部超級智能手機，要將AR、AI功能極大化，需要喺5G網絡之下透過Cloud，再配以足夠軟硬件去實現，手機光學絕非face ID解個鎖咁少用途。點AI法，以小弟理解，舉個例，有一日，你喺堆填區認識一位靚女，影完佢相之後，分析容貌數據後就可以上網搵到佢公開嘅Facebook、IG賬戶資料，先知道佢原來係千頌C。要做到AI功能極大化，高規格嘅光學零件絕不能少。
你睇舜宇2017年市盈率42.6倍，瑞聲24.2倍，點解有咁大嘅分別？好明顯投資者認同光學零件係手機長遠發展嘅核心所在，之所以收入幾乎完全來自手機光學零件嘅舜宇，會貴到呢個程度。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
