異動空間：跌出來的好機會
■美國12月加息幾乎成定局，資金流向傳統銀行股，匯控獲北水湧入，睇高一線。 資料圖片
講足成年的特朗普稅改，終於有望通過，加上12月加息幾乎成定局，資金流出現大規模轉向，由估值較高的科技股，流向受惠加息的傳統銀行股，中銀（2388）挑戰歷史新高，「大笨象」引
擎撻著之餘，連無息派的渣打（2888）都有運行。三者之中，魏力首選還是匯控（005），重磅之餘又獲北水湧入，自然可睇高一線。
科技股大調整幾乎每年一次，騰訊（700）去年第四季回吐逾15%才再展升浪，結果今年狂飆120%！科技股增長勁，龍頭優勢日益明顯，長遠計仍然是投資首選，實在無需要紀人憂天，跌多幾日就擔心爆煲。前輩教落，機會是跌出來，樂觀一點對投資成績才會有利。
操作上，如果今年投資成績未如理想，連恒指升幅都跑唔贏，更應趁好股平賣之時，將手上蟹貨、深海潛水艇斬咗佢，增持現金趁機換貨，提升股份質素，以迎接下一轉升浪。至於應該買乜好？本周三魏力在fb的文章已經提供「藥方」，之後更被投資課程學生笑言為「冬蟲夏草倉」──件件都係貴嘢。無計，全球進入收水的年代，貨幣供應不如以往寬鬆，資金對優質資產的需求只會更高，炒股也只能順勢而行，跟紅頂白，才有理想收獲。
魏力
http://fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.finance.appledaily.com
