異動空間：灰到盡頭便是彈
■北水明天起暫停，加上節目氣氛漸濃，港股交投必然縮減。 王偉洪攝
「牛市，你還好嗎？」恒指上周瀉3,000點後，無論閣下對後市幾有信心，相信總會有一絲動搖或疑問：究竟自己有無睇錯市？人無預測能力，見頂與否事後至知，但擺在眼前的事實是：全球市場波幅顯著擴大。以
上周五道指為例，先升300、倒跌500、再倒升500，埋單升300點，高低波幅計已是1,000點，即市總波幅更達2,300點，試問「滿倉再槓桿」的投資者點頂？
過去一年的低波幅慢牛，吸引很多大戶、散戶靠「大注坐大股」去贏錢，甚至將大股按倉再炒二三線股（以至輪證），將槓桿盡量放大。如今波幅突然幾何級數暴升，為減低倉位風險，全世界一齊拆倉減槓桿，搞到上周大冧市。假如冧市並非由經濟或金融危機所引爆，當大部份人將倉位降至舒適水平，餘震過後可重新上路。
本周二（13日）起北水暫停，加上節目氣氛漸濃，交投必然縮減。向壞處去想，少咗北水去頂，個市隨時冧快啲，但換個角度，要沽貨過年的大媽上周應該沽得八八九九，一如去年聖誕，放假前後個市就靜靜雞向上。走勢上，恒指9 RSI落到20超賣水平，小時圖RSI已見底背馳，並回至20周線支持位，當灰到盡頭就是短線反彈之時。
筆者為證監會持牌人。
魏力
http://fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.finance.appledaily.com
