【智取大市】美國難避泡沫失控 - 晉佳
鮑威爾上周二喺議息後，被記者問到資產泡沫問題，鮑威爾冇正面回應，足證儲局對於泡沫根本愛莫能助。 資料圖片
聯儲局主席鮑威爾上周二喺議息後，被記者問到一個好重要嘅問題，記者問鮑威爾有冇feel到可能出現資產泡沫，若然爆破會重創經濟復蘇？鮑威爾竟然遊
足一大個花園都冇回應，首先講返2月到3月市場停止運作大大鑊，表示當時只想市場回復運作，最緊要經濟、勞動市場同通脹正常，資產價格高低見仁見智，亦唔係聯儲局所聚焦嘅地方。冇正面回應泡沫，潛台詞係答你「驚都冇用」，足證儲局對於泡沫根本愛莫能助。
疫情係推動環球印鈔嘅最大推手。值得留意嘅係，英國藥廠AstraZeneca同美國Moderna嘅疫苗測試進度領先，其中AstraZeneca將會8月進行臨床三期測試，順利嘅話9月有首批疫苗供應全球。會唔會股市提前反映疫情消退下嘅無限QE、負利率？
睇返納指月線圖，局勢話你知，𠵱家係交叉點。繼今年2月後，第二次大幅度突破保歷加中軸，絕對係牛市見頂警號。科技股已見頂、熊市已開始？定係學似1999年12月至2000年3月癲多一浪？後者嘅話，就會係買亞馬遜都俾人笑蠢材嘅時候了，而之前被狙擊嘅中概股跟誰學醞釀破頂，曾被狙擊嘅萬國數據創咗新高，bilibili走勢亦向好。𠵱家喺判斷牛市玩完到泡沫白熱化之間，都要兩手準備。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://s.nextmedia.com
