智取大市：興能估值平睇升四成 - 晉佳
■興業太陽能似有準備破頂之勢；圖為興業太陽能主席劉紅維。 資料圖片
港股第一日急插、第二日就喪炒細價股，情緒變動得非常快。以經驗睇，港股短線可能出現極端方向，一係變得非常亢奮，一係恐慌性拋售。
恒指真係唔使再睇，寧願睇住隻騰訊(700)做人，由佢?決定後市方向，當成最重要?港股指標。
近期強勢股不外乎幾個板塊，即科網、環保、新能源和醫藥等。新能源方面，興業太陽能(750)似有準備破頂之勢，已經升破?過去一年營造?上升三角形阻力線，破頂動力相當大。
預測PE僅10倍
興業太陽能主要做傳統幕牆、光伏幕牆項目同銷售物料，舊年上半年三部份收入分別增長6.5%、61%同24.8%，光伏幕牆項目毛利率31.5%，明顯高過其餘業務。
雖然呢部份業務面對多晶矽原材料價格回升，同埋市場競爭加劇，但係未來盈利貢獻只會越?越高，所以可以令短期內整體毛利率保持?現水平，大約25%，呢一點亦?之前獲得管理層確認，所以興業太陽能下半年業績應該唔錯。
睇番最近三年業績，興業太陽能下半年收入同盈利比例通常高過上半年，因此係估計佢舊年下半年業績相對上半年有明顯增長，其年度化2013年市盈率為15.9倍，相信實際數字會明顯低?，彭博綜合券商預測就係10倍左右。
以呢個估值，作為國策股要炒上幾成，其實唔難。
之前大家最擔心唔止係市場競爭同成本問題，而係由舊年開始，內地可能逐步修改扶持政策，由一次過建築補貼，改為上網電價或配電方案。
不過，?舊年9月，公司發出公告，講到新政策出台後，公司當時新增光伏定單約130.44MW，其中，獲上網電價政策支持項目定單100MW，舊政策之下定單30MW。
蓄勢破頂目標13.5元
公司噚日亦宣佈，其參與規劃?甘肅武威1.1GW光伏電站項目一期300MW項目已正式動工。就咁睇?，估計新政策對佢接單情況影響唔大。新政策?影響，麥格理研究報告講到，係會令到興業太陽能財務要求更高，不過公司舊年11月曾經配股，相信對於應付呢個情況有幫助。
以國策股?講，唔少股份都交出唔錯走勢，保利協鑫(3800)亦都保持52周高位附近，興業太陽能最近都醞釀破頂，一?都唔失禮，以突破上升三角形阻力?量度升幅睇，中線目標價可定?13.5元，潛在升幅四成。
另外，上星期小弟推介信義玻璃(868)，股價?業績後有得升，點知隻信義光能(968)仲勁，五日升足四成，反映近期同一個板塊揀股偏向細隻會好?，當然風險亦會偏高。
晉佳
本欄逢周三刊登
上一則: 中環迷你裙：中軟有麝自然香 - Samantha
下一則: 魚樂無窮：耐世特食正電動車熱 - 唐牛
智取大市 - 晉佳 舊文
