魚樂無窮：一隻三億市值盈喜股
■殼股最新叫價已經去到5億銀，豪特市值距離殼價還差一大截，夠曬低殘。資料圖片
眾所周知，細細粒嘅公司最容易炒，無他，用小量資金已可推高股價，事半功倍。不過，好多時市值細嘅公司，成交都相對疏落，貨乾是也。好衰唔衰，呢類公司往往冇乜炒上誘因，漸漸被人遺忘，最終要賣殼。
今日推介嘅豪特保健(6880)，市值唔夠3億銀，符合易炒條件，但有曬炒上催化劑，事關業績夠靚仔，早前更發盈喜，兩大優勢俱備，如同少林功夫加唱歌跳舞，威力無窮。主要以「OTO」品牌產銷健康產品如健康椅嘅豪特，早於3月發盈喜，表示受惠貴價新產品銷情佳、內地零售業務貢獻增加，以及去年度基數低，全年盈利將錄得可觀升幅。事實上，集團近年銳意發展內地業務，如進駐內地電貿平台天貓商城，管理層曾揚言，內地收入佔比要超過五成，相信今次盈喜正好反映公司處於收成期。豪特上半年賺537萬銀，成功扭轉前一個半年虧損狀態，已是業績翻身嘅先兆。
股價低殘潛力殼股
含金量高亦是豪特另一個賣點，最新淨現金水平達2億銀，相當於市值近九成，正在復蘇嘅業務幾乎免費奉上。唔好忘記，而家殼股有價，最新叫價已經去到5億銀，豪特市值距離殼價門檻一大截，殘殘殘！
豪特3月發盈喜時，最高曾升至0.91元，現時水位十足，如果炒到殼價，講緊係升上1.58元，潛在升幅以倍計，屆時先啱啱好上番招股價。放榜前圖表已呈突破走勢，從任何一個角度睇都值博。
唐牛
https://www.facebook.com/tongcow88
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp
唐牛
魚樂無窮 - 唐牛 舊文
