智取大市：港股最弱二萬二見
相信冇人能估計，滬港通反應差到如此地步，即使你講北向?滬股通反應好過南向?港股通好多，但第二日就唔爆額，仲要用唔夠全日quota一半，一樣遠遜預期。上一期講到，中央揀?A股滬綜指RSI頂背馳?超買狀態之下開通滬港通，擺明焗海外投資者高位接貨，市底唔好，長線資金唔想做傻仔，結果係齊齊罷買。
另一個原因，係滬港通?「買停板」制度，令過江龍相對地頭蟲出現先天劣勢。以港股通為例，每日限額105億元(人民幣．下同)，假設資金買到105億元?時候，當日餘下時間內地資金焗沽，結論就係地頭蟲一定趁朝早未爆額時沽定貨比你接，然後去到你爆額時，冇曬買盤承接力，股價自然下跌，地頭蟲之後就搵位撈番貨，咁搞法內地資金邊有得玩短線操作。內地大戶睇通個局，點會落疊。散戶資金有限，買A股仲要畀「T+1」綁死一日，相比幾乎冇「T+1」限制?大戶，更加劣勢。大戶平時買貨唔會一兩日買完，所以今日要沽貨，往往係沽緊噚日、前日買落?貨，劣勢?批，只係散戶，比較優勢之下，「T+1」變相令到大戶更加著數。所以話，要北上尋金，絕非易事。
趁反彈減磅
講番個市，早排講過，恒指以四至六星期為一個周期，而為期六星期?橫行周期，去到上個星期好可能結束，今個星期開始，有機會進入為期大約四星期?跌市，以量度跌幅，大有機會跌破10月3日低位22565點，甚至跌破22000點。
以日線圖觀察，恒指即將出現MACD沽售訊號，呢個沽售訊號出現?訊號線接近零水平，相比8月中已明顯一浪低於一浪，係中線跌市?延續，情況同今年3月跌市相近，當時高位跌幅接近1,700點，但近期股市波幅相比3月更大，所以估計呢次跌市規模只會更大，即由周一高位24313點計算，跌2,000點以上唔出奇。事實上，今年4月直至11月開車時，滬港通因素令恒指拉高大約2,000點，而家滬港通反應咁差，跌番呢2,000點都合理不過。
點睇市底轉差？你睇美股道指已有上升動力減弱?跡象，擴散三角形警號未解除。內地A股方面，RSI頂背馳之後，又有機會向下。日圓弱勢令外?市場波幅加劇，亦會令股市波幅增加。而家港股通反應遠遜預期，睇?港股短期內都會進一步跑輸中、美、日，所以係差上加差。不過，恒指9小時RSI跌到14.1，後市有機會出現小反彈，聽日可能出現呢轉跌市?逃生窗，到時減磅要快手。
晉佳
本欄逢周三刊登
晉佳
智取大市 - 晉佳 舊文
