異動空間：靚價出貨兩方法
恒指失守50日線，再跌穿雙頂頸線，圖表派肯定是格殺勿論，魏力中午亦於fb建議，如尾市（3點半後）失守27000大關，宜先減倉一半，以便長期作戰；持倉較少亦毋須急於撈底，慎防終極一跌尚未出現。
無股可推不如談談沽貨技巧。炒股票者都想學誠哥一樣賺到盡，一味想沽頂
，但其實頂部是事後才知道，股票A由2蚊升至5蚊，賬面贏1.5倍，此時很可能會諗：「氣勢咁好，隨時升到10蚊！」未有把握獲利機會，之後跌番落4.2元，你可能同自己講：「反彈到4.7我就沽。」再跌至3.8元，雖然仲賺緊九成，但你卻沮喪過輸錢，「彈上4.2我一定走！」最後捱唔住3.2沽出，由賺1.5倍到得六成，真係肉赤過輸！前輩教落，沽貨想靚價，先不要去估頂，因這只是貪婪的表現，反而應趁股份氣勢旺盛時分段走，個價就可越沽越高，拉勻自然係靚價。另亦可用零成本法，在股票A升到4蚊、賺一倍時沽一半取回成本，另一半零成本再博，如股份高位回一成，機械式全部沽出。
A股大旺，近日不少股民套股換樓，對銷情有一定幫助，萬科（2202）高位徘徊，不妨望多兩眼。
魏力
http://www.facebook.com/2012jason
魏力
異動空間 - 魏力 舊文
