魚樂無窮：橫行炮製大茶飯
■米蘭站每次炒起，鑊氣都非常濃鬱。 資料圖片
前輩教落，股價橫行時間越長，爆發力越強，無他，散戶唔怕升市唔怕跌市，只怕悶市，悶悶嚇佢哋就會忍唔住賤價沽貨離場，有心人變相可以平價收集，貨源更歸邊下，舞上自然更得心應手，事半功倍。
主力賣二手名牌袋嘅米蘭站（1150
），9月初開始，一直在0.6至0.7元窄幅上落，沉悶程度達十粒星，正如之前所講，新一輪升浪隨時就在眼前，只要有些微好消息，即可大幹一番。
點解咁有信心？因為米蘭站每次炒起，鑊氣都非常濃鬱，不妨回帶睇嚇。2013年底，大股東姚君達獲洽購控制性股權，買家前前後後達三個，雖然最後沒有下文，但足以令米蘭站炒足半年，累積升幅達1倍。2015年4月更誇張，未有特別消息，卻乘著大時代氣勢，個多月一口氣炒高3倍，其後公司宣佈，姚君達只減持部份股份，依然持有55.68%股權，賣盤憧憬幻滅，股價亦重回凡間。
兩次大炒的共通點是，一樣由0.6元起步，與最新價0.62元相若，睇見都食指大動。再講，公司現時市值只得4.2億元，又係較殼價還低嘅例子，卻有賣盤前科，值得畀多個like。咁今次會有乜好消息？答你唔到，因為我都係估估嚇，但現價小注入場博一鋪大茶飯，絕對係低風險高回報嘅選擇。
唐牛
https://www.facebook.com/tongcow88
唐牛
魚樂無窮 - 唐牛 舊文
