異動空間：創新板三個猜想
■創新板如能吸引到大企業來港上市的話，最受惠還是聯交所。 資料圖片
還記得幾年前，阿里巴巴搞上市，香港為了「同股不同權」拗到面紅耳熱，逼到小加總裁要在網誌「報夢」反擊。如今這個夢已變成一份諮詢文件，周末滂沱大雨，魏力呆在家中也發了些白日夢，對所謂的改革亂想了
一下，姑且記下來，看看日後會否成真。
第一，主板定位為「優質板塊」，上市最低市值由2億變5億銀。何謂優質？公司賺到錢？股價識得升？不知道。但可以肯定，上市會難咗，殼更難啤，價錢會上，但北面買家能否打錢落來買，又是另一回事。
第二，創業板刪除「踏腳石」概念，封殺全配售，圍唔到飛；延長禁售期，轉主板難度增，上流空間細，邊緣化是遲早的事，最終變成冷宮板。咁留來做乜？主板講明要優質，創業板會否逐漸變成年年蝕的「妖股集中營」？
第三，設立創新主板、初板，前者夠盈利，但玩同股不同權，受散戶玩；後者未賺到錢，但屬於科技創新公司，只限專業投資者。A股條隊太長，戰略新興板又杳無音訊，獨角獸如螞蟻金服、滴滴、大疆會否來港掛牌？有傳陸金所延至明年掛牌，是否在等上創新板？如果吸引到呢堆大名的話，最受惠還是港交所（388）。
魏力
http://www.fb.com/2012jason
本欄逢周一、五刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
魏力
異動空間 - 魏力 舊文
來源 source: http://hk.apple.nextmedia.com
