【魚樂無窮】新舊經濟雙引擎 - 唐牛
合生創展日前發盈喜，股息率逾4厘，PB只得0.3倍，深圳資金正在密密收集，股價一飛沖天一啲唔奇。 互聯網圖片
合生創展（754）日前發盈喜，預期中期盈利增長60%，主要是上市證券投資未變現收益大增超過20億元，相當於去年盈利總額逾兩成。公司早於6月
底宣佈，正式把股權投資業務納入為主要業務活動之一，投資的亦唔係其他上市公司常買嘅乜行物行，而係「高新科技、醫療科技類股權投資」，完完全全食正潮流。
搞地產嘅人點會識買tech嘢？又要講多份通告︰集團今年1月宣佈，原主席兼執行董事朱孟依辭任，由女兒朱桔榕接替，後者畢業於中國人民大學金融學專業，早於9年前已升呢做執董，當時的通告介紹她為「具有紮實的金融理論知識和較全面的投資業務技能，並分管本公司財務」，事實證明，合生創展今天能夠兩條腿走路，就是朱桔榕的功勞。
本業又如何？最新公佈中期數據，合約銷售額增長15%至130億人仔，每平方米均價增長13%至1.6萬元人仔，在疫情下做到價量齊升，絕對唔話得。現價市盈率僅2倍，股息率逾4厘，PB只得0.3倍，橫睇掂睇都係平通街，難怪事隔四年後再次回購，睇CCASS深圳資金正在密密收集，要是股價一飛沖天，我唔會感到意外。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://s.nextmedia.com
