中環在線：李氏政經大會小超罕見搶咪 - 李華華
李澤鉅搶咪答超人O曬咀
噚日又係長和系主席李嘉誠主持「時事經濟評論大會」，誠哥不經意拋低「講真話、做實事」呢句金句之外，其餘答案都冇乜新意，最特別反而係舊年被誠哥欽點做上市王國接班人?「小超人」李澤鉅，不時搶答或主動幫誠哥做補充，疊曬聲。
誠哥每年三度主持時事經濟評論大會，即兩次業績記者會同一次股東會，全場焦點梗係集中?「超人」誠哥身上，小超慣常好少主動答問題，係阿爸叫到，佢先答同賣樓有關?問題，其他?唔多答嘴。
■自李澤鉅(左)獲誠哥(右)欽點接手長和系上市王國後，昨日於業績會上罕有搶答記者問題。程志遠攝
建寧識做讓發言
自從舊年5月，誠哥?股東會後正式宣佈，將來由小超接掌長和系上市王國，細仔李澤楷發展新業務之後，呢個情況慢慢出現變化，噚日特別明顯。
舉例，有記者問誠哥點睇政府出招幹預樓市，仲會唔會拆售其他酒店？誠哥答?兩句，小超彈出一句「呢五分鐘冇酒店賣」，誠哥又好似唔知阿仔講乜，問來問去先知道原來阿仔幫口答。之後有人追問誠哥為乜增加海外投資？誠哥講講嚇，小超又答嘴，話佢?「30年前做赫斯基，冇理由?香港鑽油」。
就連和黃(013)大班霍建寧必答?電訊問題，小超都要做補充，難怪有人追問霍建寧有關頻譜?問題，霍建寧唔敢即刻答，擰轉頭望嚇誠哥，講句「我要問過主席先發言」。咁識做，抵佢年薪過億啦。
李華華
mailto:LiWaWa@AppleDaily.com
上一則: 廣州限樓價漲幅禁超過一成
下一則: 中環在線：霍大班回春烏髮亮V煞面 - 李華華
中環在線 - 李華華 舊文
