異動空間：長實贏在起跑線
呢排傳媒幫嵐山做?多日免費宣傳，你插佢屋苑有墳，趙生答你係風水地；你媽佢190呎點夠住，佢話方便新婚夫婦上車，住?父母隔籬；你質疑點解無樓睇，佢答因為地盤未完工，驚閣下安全受威脅。長實(001)輕鬆拆解，明顯有備而來，盤未開賣已完美贏在起跑線。長實近年新盤均有賣點，例如有?到成個人的窗台、棺材平台、望墳場罅海、F1跑道，到家陣?房設計、三房三廁，皆因誠哥睇清形勢，知道供應不足是結構性問題，有排解決，無論個盤幾騎呢，等傳媒日吹夜吹，足夠宣傳，自然大把人科水上車，咩用料差、發水、賺到盡，簽約時拋諸腦後，佢?只係驚今日冇樓，將來更加唔會有！
嵐山個則幾年前設計，已計算細價樓會喪炒，整個?盤完全fit曬。有記者問樓神，點解唔等埋地盤竣工有樓睇先開賣？趙生夠坦白：「幾個月後都唔知咩市況，梗係趁市好賣啦！」弦外之音，不言而喻。長實上半年賣樓收益逾110億元，較去年全年多1倍，政府減辣下，長實貨如輪轉的策略發揮到極致，股價年初以來漲兩成跑贏大市，回到50日線136元吸納，可望再創新高。
魏力
http://www.facebook.com/2012jason
魏力
異動空間 - 魏力 舊文
