中環迷你裙：阿茂整餅式大刁
■聯想母企旗下私募基金弘毅投資，逾百億元收購英國連鎖餐廳PizzaExpress。圖為沙田新城市廣場PizzaExpress。資料圖片
中國上半年併購金額達1,766億美金，按年升近五成，創下歷史新高，數字雖然震撼，但大多淪為好?唔輪到你、餐餐買貨尾的慘況，聯想(992)2005年買IBM個人電腦業務後，舊年先踢走所有蟹貨，三年又三年的坐艇經歷，唔少股民都刻骨銘心，其實強國併購同廣東道掃貨冇分別，得錢多兩個字，銷售員深明次等貨色已滿足暴發需求，靚?留??底等有心客來買。
《福布斯》由台港兩地聯手出價奪得，十大民企之一的復星(656)雖然已有《福布斯》中文版的出版權，未能再下一城，有唔賣賬之嫌。靚?落唔到袋，水魚角色未改，聯想母企旗下私募基金弘毅投資，逾百億元收購英國連鎖餐廳PizzaExpress，Samantha第一個反應是，貴版Pizza Hut都吼？唔係餓成咁?嘛。
英國對食物的天份，僅限於早餐同下午茶，其他向來沒甚好感，Samantha上一次光顧已是大前年，純綷係SOHO唔使訂?的easy picking之選。
PizzaExpress在英國的發跡史和香港pizza hut差唔多，50年前pizza未在倫敦流行，有頭啖湯的優勢，問題係家陣強國的pizza有美式、意式、韓式、泰式都有，八國聯軍咁款，都未計源遠流長的蔥油餅，除非PizzaExpress玩雜耍式pizza，否則諗唔到呢單刁的勝算。
Samantha
本欄逢周三、五刊出
Samantha
中環迷你裙 - Samantha 舊文
