中環在線：
滬港通猛將請辭李小加趁機改組
■陳秉強(左)因為家庭理由，將於9月20日離任港交所職務，滬港通工作將由李小加親自掛帥。
港交所(388)正全力以赴為10月開波?滬港通做準備，不過就出現陣前換將。有份負責籌劃滬港通?港交所猛將，環球市場科股本證券與定息產品及貨幣業務聯席主管陳秉強(Bryan)因為家庭理由，將於9月20日離職。其實Bryan早前已計劃?今年10月起放9個月無薪假處理家事，但最近家庭情況有?變化，聽聞要離港幾年，所以就逼住請辭拜拜。
滬港通進度冇受影響
Bryan今次提早離任，意味佢冇辦法見證住滬港通開通，不過港交所?發言人就大派定心丸，佢話滬港通由行政總裁李小加親自掛帥，再加上有好多小組負責處理滬港通唔同細節，就算Bryan離職，亦都一定唔會影響到滬港通?進度。
講起李小加，佢好似有鋪「改組癮」咁，繼舊年11月加?個直屬佢?「集團戰略策劃」後，今次佢又趁Bryan遞信，乘機搞搞新意思。
李小加將原本由Bryan做主管?環球市場科股本證券與定息產品及貨幣業務，拆成兩個分科，分別係市場營運分科，同埋業務發展分科。
市場營運分科負責睇住現貨交易、衍生產品交易同市場數據，將會由原本?上市科?李國強走馬上任。至於業務發展分科就睇定息產品同貨幣發展，暫時由現任客戶業務發展及定息產品及貨幣發展主管俞泰碩做住處理主管先，港交所考慮緊搵個猛人睇住呢個分科；不過定息產品同貨幣暫時唔係港交所強項，要搵人負責發展都未必咁易。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
