魚樂無窮：應付牛市大調整十式
■大市反高潮裂口高開再隊，不少股民都完美中伏。 陳奕釗攝
大市反高潮裂口高開再隊，連財爺都完美中伏，我等散戶當然體無完膚。就算今日有必勝冧巴，相信你都唔會跟，所以送你調整心理十式，他日喺股市十倍奉還仲實際！
1.平常心︰股市，兩個字，一升一跌，唔升邊有得
跌，唔跌邊有得買。
2.熄機︰牛市揸強勢股，總有一日返家鄉，唔睇好過睇，起碼少一重心理壓力。
3.做運動︰睇住個市亂chok，每分鐘心跳隨時200下，但只有手心出汗，十級唔健康，不如落街跑步打波，製造安多酚，人都開心啲。
4.遠離淡友︰呢啲將個市有咁衰講到咁衰嘅人，只會令你僅餘嘅信心都冇埋，暫時unfriend吧。
5.感恩︰回帶睇番二三月時幾陰公，睇下輸錢散戶心聲，就會覺得贏少咗都好幸福。
6.郊遊︰接觸大自然便明白錢只係數字遊戲，用呢種心態做trade，事半功倍。
7.陪家人/愛人/朋友︰理由同上。
8.賭波買六合彩︰小注怡情，有助抑壓你嘅賭博細胞，總好過亂買股輸鑊甘。
9.睇大時代︰唔使錢可以感受大時代，咁筍嘅免費娛樂去邊度搵。
10.重覆執行以上9式，直至每晚都能夠安心入睡，以後唔好話過山車，跳樓機市況都唔使驚。
唐牛
https://www.facebook.com/tongcow88
唐牛
魚樂無窮 - 唐牛 舊文
