吳系講股：丁蟹出現用意何在
■在升市人人都是股神，但真正考驗實力的應該是在跌市。 資料圖片
上星期五港股收市後，好似時時刻刻都有新聞出，而且日日唔同，儼然怕我們在周六、周日太過得閒咁，其實我哋係好唔得閒，唔該！
上一期本欄文章講到國美電器（493），即時中曬招，都話不同地盤所產生的
不同效果，有時都驚驚哋，最氣頂嘅就係，上周筆者在自己收費版推出的「十虎」系列，最勁嗰隻到昨天仍然升咗2倍，有時真係唔知點寫，因為寫了就有異樣，這一點筆者都曾經講過。
升市下股神陸續有來
喺升市人人都是股神，張三寸你一句升五成好容易之嘛，李四潤你一句「基金經理喎……」，但真正顯示功力的市況，其實係喺大跌市，正如筆者一些YouTube片段都講過「股災企得番喺度，先至係贏家」，係咪咁話呀。
朋友說，近期有位少年股神，話佢自己Ｎ年前買中國銀行（3988）輸九成，雖然我都唔太明點樣輸九成，但有人信咪叻叻豬囉。大牛市中，這些股神陸續有來。
大家最關心的冧巴，其實筆者有大把，不過，真係有一點壓力。對於冧巴降，其實都可以做冧巴降的基本分析，只是這些分析不一定是財務數字，除非閣下對這方面比較熟識，否則處理冧巴降也不會太困難，就是一群冧巴，你圈一部份出來，全部用一樣的注碼買入，最終有輸有贏，一得咗就升1倍、2倍，總會有其他輸咗，在這個市況底下，埋單計數時勝算不低，以個人有根據的「十虎」為例，三天成績最勁升214%，最弱跌7.2%，全部平均32%利潤，埋單有條數計得到。如果單煲214%當然好，誰人知否自己是不是輸7.2%？
咁丁蟹呢單嘢點搞？即刻睇多次啦，經典劇集都話未睇過嘅話，喺香港地無資格話自己係股壇老散啦。
本文出街之時，我已經又睇咗，方俊生十集八集之後有一幕，真係殿堂影帝級。咁對於股市有沒有影響？筆者會想反問大家，到底是丁蟹影響大市？還是大市影響了丁蟹？其實好簡單，點解要借丁蟹嚇一嚇大家呢？
同時，上周五中證監的通告，其實筆者相對早就見到，但怎看都不似有如此威力，但點解咁巧合地在這個夜期時段急沽呢？即是有人借此因素，想震嚇市場人心，但點解要震嚇人心呢？
金市滙市暫欠值博率
同樣的情況及道理，筆者於1月19日A股大震倉之時已經指出過，如果市底無論如何也是要下跌的話，即使是調控也是沒用的，其實，反而不需要調控，反正早晚也是跌。如今再來一次，結論是怎麼？顯而易見。
而只要諗得通上述兩條問題的話，包括借丁蟹震倉，以及在成交弱之時突襲，應該有不少思考空間，想得通的話，似乎可以很不錯。若想安穩一點，下個星期三晚美國又議息，對於美元走勢筆者有個腹稿，但此刻金市、滙市的價錢都沒有很要好的值博率，同時間地美國很多企業公佈業績，筆者相信這裏有平穩一點的機會。
好啦，今期係咁多先，全球期待，全城翻啅的「翻啅者聯盟2：創富世紀」星期六就上映。如果唔太想來的唔好報名，因為我們訂了個百餘人場地，本來諗住輕輕鬆鬆玩嚇，可能牛市到，過去的周未周日多人報到我們死機，我自己的朋友都未必有位置可以邀請到。下次請早，寧缺勿濫。
吳家順
中國銀盛資產管理董事、Mensa會員
http://www.facebook.com/1234567.com.hk
本欄逢周二刊出
筆者為證監會持牌負責人，申報於本文章刊登之時，筆者個人並沒持有此股票相關權益，而中國銀盛資產管理的基金客戶也沒持有相關股票權益。證券價格可暴跌不升至毫無價值，招致損失，投資者及客戶應審慎，並在作出其投資決定時應僅視本文為眾多考慮因素之一。本文所提供的建議未必適合所有投資者，作者合理地認為所提及的資料在公佈時是準確的，但並不保證（明確或暗示）該等資料的準確性。
吳家順
吳系講股 - 吳家順 舊文
