範式轉移
2015/11/16 09:13:42
網誌分類: 經濟
美國零售數據唔靚仔，加上有報告指全球原油庫存創歷史新高，油價再跌，上週五美股顯著下滑，杜指跌203點，收報17245點，跌幅1.2%；標普500指數跌23點，收報2023點，跌幅為1.1%；納指跌77點至4928點，失守5000
點心理關口，跌幅1.5%。在聯儲局加息預期升溫，加上油價大插，導致能源股疲弱不堪的情況下，美股上周表現非常弱雞，杜指累跌3.7%；標普500指數跌3.6%；納指跌4.3%，係7個星期以來首次下跌。
美股10大板塊之中，能源股就跌得最傷啦，亦係拖累大市的元兇，杜瓊斯能源指數全個星期累跌6.3%！主要係受到油價大跌拖累。上週五，國際能源署(IEA)週五發佈報告，話全球原油庫存已升至創紀錄的30億桶，市場又預計經濟唔得，明年的需求仍會下降，再加上美國原油鑽井數量將會有增無減，三座大山令到上週五美國原油期貨再跌2.4%至每桶40.75美元，全個星期重挫8%。係3月以來的最大星期跌幅。
除咗能源股唔得，美國?零售板塊亦唔係好掂，亦拖住大市後腿，上週五美國公佈10月零售銷售較上月增長0.1%，差過市場預期的增長0.4%。特別係包括梅西百貨、Nordstrom及JC Penny等多家百貨零售巨企公佈季度業績，唔靚仔之餘，仲發出業績預警，令股價大跌，其中梅西百貨全星期就大插20.7%；Nordstrom亦大跌18.3%！標準普爾全球可選擇消費（consumer discretionary sector）指數上週五大跌2.7%，全星期跌4.1%。
有分析指出，零售股由百貨公司，到大型折扣連鎖如沃爾瑪、Dollar General （一蚊店），到服裝連鎖店Urban Outfitters 同Gap等等，股價跌至52周新低?，比比皆是。由於零售銷售佔了美國GDP接近7成，零售唔得，美國經濟可以講係瓜得，所以見到一大堆百貨公司派成績表，張張見紅，都咪話對美國經濟狀況唔擔心。睇股票恐指標VIX指數上週五跳升9%至20樓上，全個星期更係暴升超過30%！市場騰雞心情，可見一斑。
不過，有紐約著名交易員指出，大家有一點要特別留意，其實唔係消費者唔買嘢，只係唔去百貨公司，同埋服裝店買而已。睇10月份零售銷售報告，與去年同期比較，仍增長1.7%，反映消費者將錢花喺唔同?地方，同過去好唔同。只要比較不同類別同期銷售數字，已經見到端倪。網上銷售升7.1%；汽車銷售升5.5%；酒吧食肆升5.2%；傢俬升5.2%；健康及個人護理以及建築材料升超過4%，百貨業升0.5%。可見消費者多在網上購物。買美容用品扮靚，整靚間屋，買車，多咗出街食飯，就係少去逛百貨公司。
固然，單睇上市?百貨公司業績，亦可能會受到誤導，原因係有些熱門時裝品牌，例如Forever 21唔係上市公司，而Zara喺歐洲上市，Uniglo則喺東京上市，現時最火熱?時裝店Primark，只頵波士頓同費城有店鋪。
不過百貨公司股?前景就真係大鑊，投資者似乎已經放棄咗呢類股份，例如上週五公佈業績?JC Penny，成績其實唔錯，第三財季虧損從上年同期的1.88億美元，收窄至1.37億美元，好過預期，而營收增長4.8%亦高過預期，不過，上週五股價大插超過15.3%！由於投資者已經放棄咗呢類股份，所以佢?業績就算有幾好，都無人理，一於沽之哉。因為無人再相信百貨業翻生?一日，呢個就係典型?「範式」（paradigm）轉移。JC Penny等百貨公司由2011年第四季開始已經無錢賺，嚟緊?第四季，可能會繼續蝕，亦可能會有錢賺，但關鍵係已經無人會理啦！
陸羽仁
回應(3) 我想回應
陸羽仁 BLOG 舊文
