異動空間：升呢股上車要快
個市繼續炒國策概念，電動車股表現省鏡，早排推介的和諧汽車（3836），轉眼就到5個半，遠超魏力預期，仲有貨可以博6蚊附近食糊。泰坦能源（2188）股價亦沿10日線拾級而上，大漲小回格局未變。
呢期深圳股當旺，不妨睇實冷門股華夏動漫（1566）。近幾日成交轉
活，RSI穩步向上，10日線快升穿20日線，又係蓄勢爆上格局。值得留意，7月股災以來，該股一路只係乾跌，代表大戶手貨未散出街，貨源仍然歸邊，如今時況好轉，再喪炒一次並不困難。
睇通告尋寶，魏力搵到集成金融（3623）。公司與中行及建行合作，於大本營佛山拓展住房按揭業務。拆解呢張通告，阿爺救經濟，放鬆房貸政策為大勢所趨，集成今次建立網上平台，將線上P2P交易及線下房地產交易進行整合，食正互聯網+概念及國策，更標誌集團業務戰略轉型升級，由小額貸款升呢為互聯網金融服務供應商，股價起航料指日可待！
走勢方面，出通告後集成股價漲6%，蓄勢突破近兩個月橫行區，RSI及MACD向好，首階段先睇4.5元，跌穿3.1元止蝕。
魏力
http://www.facebook.com/2012jason
魏力
異動空間 - 魏力 舊文
