魚樂無窮：贏面極大高息股
■載通主要經營九巴業務，故業績與油價可謂息息相關。 資料圖片
冠忠巴士（306）日前發盈喜，預計截至9月底止中期盈利錄得可觀升幅，主要受惠燃料成本下跌及政府補貼增加，兩日下來，冠忠共升12.5%，跑贏大市幾條街。順藤摸瓜，橫行多時、同樣受惠油價下跌嘅載通（062
）有望借勢炒一轉。
載通（062）主要經營九巴業務，故業績與油價息息相關。截至6月底止，中期盈利勁升1.2倍，主要原因正是油價下跌，帶動燃料成本按年勁減四成。翻查資料，上半年國際油價平均計為53.34美元一桶，7月起至昨日，平均價再跌13%至46.46美元一桶，意味下半年載通燃油成本有力再降，盈利增長勢頭肯定更勁。
篤篤計數機，上半年盈利3.3億，保守估計下半年盈利再增兩成，全年將賺7.3億，較去年高出超過七成，市盈率將大幅降至11倍，犀飛利！唔好忘記，載通出曬名派息慷慨，過去十年，中期息末期息全部派足，贏盡大戶散戶歡心，最新中期息按年勁升一倍，以最新12個月派息計，息率高達5.2厘，還未計末期息增長，諗起都流口水。
集咁多利好因素於一身，難怪載通今年股價硬淨到暈，即使股災不斷，現價較高位調整仍不足一成，於20元水平橫行多時，突破只係時間問題，現價入場贏面極大，戰友們仲唔做嘢等幾時！
唐牛
https://www.facebook.com/tongcow88
唐牛
魚樂無窮 - 唐牛 舊文
