異動空間：阿爺搵殼潛力股
市況相當飄忽，早上仲死嚇死嚇，午後消息指兩萬億養老金將於明年分批入市，中港股極速反彈，如早上止蝕反手追沽，午後就左一巴右一巴，兩頭輸曬。上網睇到篇股票操作心法的文章，作者認為目前非牛非熊，應稱為「猴子市」，意指股市只在一個範圍內爬上爬落，炒股只能炒上落，見
升就沽，見跌就買。
魏力認為，呢種炒法適用於「有數得計」的股票，例如市賬率、每股現金等，市場恐慌時，不少股票的PB會跌穿多年平均值，每股現金甚至會高於股價，這當然是吸納好機會。不過，有些股票資產低又冇現金，點知平定貴？如炒業務轉型、殼股等，始終睇圖、睇成交，跟隨股價動力炒作，成功率會比較高。
介紹隻內房殼中華國際（1064）。升咗兩棍PB都只係0.45倍，市值3.75億銀，與5億殼價距離仍遠，打防守一流。集團只持有廣州及重慶兩項物業，易於注資，報道指廣東國資委今季將要最少搵四隻殼，注入數百億資產，中華國際業務位處同省，絕對有潛力被相中。近兩日成交暴增，絕非三兩個炒家所為，隨時是聰明錢入場了！5億市值做目標：0.83元。
魏力
http://www.facebook.com/2012jason
魏力
異動空間 - 魏力 舊文
