異動空間：10厘股息的誘惑 - 魏力
下降，有人歸咎於反蝗，有人認為係反貪，但實情係強國經濟差咗，房價下滑，財富效應消失，消費力自然下降，相信下半年國慶黃金周情況會更差。
戰友報料，上周末晚上7至8點，行過尖沙嘴及沙田，見周生生(116)、六福(590)都係sales多過客，情況罕見。六福都講明今年唔再開新舖，更可能要搬舖節省租金開支，可見情況嚴峻。魏力常逛的I.T(999)，5月份仲有大堆冬天衫等散貨，新貨反而佔少數，款式跟舊年有七八成相似，買新衫的意欲很低，加上網購盛行，同類服裝上網買起碼平三成。照咁睇，服裝、金飾股應該有排冇運行。
大市方面，指數插穿二萬二，但早前被洗倉的科網股逐步企穩，當中軟件股可留意。金蝶(268)守穩於250日線，近日以「小圓底」回升，MACD雙熊收窄，9 RSI亦見回升，如突破2.5元可小注一試，博一個8%至10%的技術反彈。另外，遠大中國(2789)盈利有見底跡象，近月逆市慢火炒上，加上有10厘股息支撐，有力挑戰52周高位0.9元。過去一年習近平及李克強先後到訪遠大廠房，龍頭地位備受肯定。
魏力
http://www.facebook.com/2012jason
上一則: 何車500：中航信5.5元上車 - 何車
下一則: 青心直說：內房計時炸彈 - 胡孟青
異動空間 - 魏力 舊文
